بالأسماء والمناطق والمستندات.. قراء المسار يستغيثون ويؤكدون لمحافظ الجيزة استمرار انقطاع المياه والكهرباء
كتب ـ علاء عزت
أعرب عدد كبير من قراء المسار عن استيائهم من استمرار انقطاع المياه والكهرباء بالمناطق المقيمين بها، حيث أكد بعضهم عدم وصول المياه والتيار الكهربائي، حتى رغم مرور ساعتين على تصريحات المسئولين بعودتهما بعدما انتهت شركة الكهرباء من إصلاح خطوط كابلات الجهد 66، فيما أكد البعض الأخر أن الخدمة جاءت لكن سرعان ما عاودت الانقطاع مرة أخرى.
وكان أغلب القراء من مناطق العمرانية وفيصل وبولاق وساقية مكي، وغيرها من المناطق الأخرى بجنوب الجيزة.
سعيد راضي من سكان سيدي عمار العمرانية الشرقية يؤكد أن الكهرباء مازالت مقطوعة، فيما يقول هاني أبو الدهب: كدب مازلنا المياه مقطوعة في بولاق الدكرور وصفط اللبن وضواحيهم لا تسمع لعبيد الكراسي.
ويقول إيهاب عطاالله جت وقطعت تاني في العمرانية الشرقية، ويعلق عبدالعال خليفه الشاويش
النور قاطع في العمرانيه يا معالي الوزير ما فيش كهرباء بعض مناطق او شوارع في العمرانيه شارع الدكتور شارع عدوي سليم نزله الدائري الكنيسه بعض من حواري شارع مستشفى الصدر بلا كهرباء، بالإضافة إلى منطقة مصنع المكرونة.
أما منعم رمضان فيعلق قائلا لا مية وكهرباء بمنطقة كوبري العمرانية.
كما يقول عبد الله عبد البديع يا استاذ / علاء كل الكلام دا كدب وانا بكلمك عن البدرشين مافيش اي امداد من محولة كهرباء او مياء دي كانت كارث في البدرشين مافيش اي صيانة او متابع للمحولات الكهرباء المتهالك حسبي الله ونعم الوكيل.
أما هناء محمد فتضم صوتها لصوت عبد الله عبد البديع قائلة: ” فعلآ كله كذب انا جال انهيار من عمد وجود ميه”.
أما وفاء هلال فتقول “لسه جت يادوب نص ساعه قطعت تانى قاطعه من يوم السبت الساعه 11بليل إلى الان الساعه اهى 5.10يوم الاتنين ابوالنمرس منطقه سعيد هلال”.
كما تقول سارة يوسف: ” مقطوعه في التعاون بين فيصل والهرم لحد دلوقتي”.
أما رضا راشد فيقول: ” محصلش لسه مقطوعه المياه في الملكه العشرين فيصل”.
أما د. زهراء الوطني فتقول: “مفيش مياه في اكتوبر” .
ويقول محمود حنفي: استاذ علاء النور قطع تاني الضهر النهارده”.
ويقول احمد شحاته ابو صبرة: ” وحياتك ولا نور ولا مياه لحد دلوقتي في العمرانيه حالا” .
أما صلاح حافظ فيقول “جت وقطعت”، فيما فتقول نورهان عمرو “قطعت تاني انهارده من الساعة 2 في شارع السلام الرئيسي العمرانية الشرقية”.
أما منى عماد فتقول: “اقسم بالله جت وقطعت تاني شكلهم بيعلمونا الادب ارحمونا بقي يرحمكم الله”، ويدخل في الحديث خالد رشدي قائلا: بناءاً على ايه الكلام دا ، مفيش مياه حضرتك !!!!!!؟؟؟”.
أما رمضان حسن فيقول يا باشا ولا مياه جت ولا كهرباء والله لسه قاطعين انتو بتقولو جت ازاي”.
وتقول هبة الفحام: “لا مش كامل”.
ويقول عصام أحمد: “مسؤوليه كل واحد فيهم أنهم سايبين كل حاجه قديمه و مفيش تطوير دائما” وتقول دعاء عزت: ” فين ده معندناش ميه حسبي الله ونعم الوكيل”.
أما أسامة حسن فيقول: ” كذابين كذابين طلبية فيصل بلا مياه منذ ٣٠ سنه مقطوعه يوميا صيف وشتاء ١٨ ساعه يوميا نعيش يدون مرافق في طلبية فيصل بلا مياه منذ ٣٠ عام صيف شتاء”.
أما ندى سمير عبد المنعم فتقول: “يا سيدي الفاضل ايها المسؤولين الميه مقطوعه من يوم السبت لحد وقتنا هذا وبنشتري ميه معدنيه وما فيش عربيات ميه دخلت في الشوارع المجاوره ولا حتى العموميه منطقتنا طالبيه هرم الاندلس ترسا الجديد ارجو الاهتمام من يوم السبت لحد الان حسبي الله ونعم الوكيل “.
أما علي الزغبي فيقول ” ماحصلش”، ويؤيده في الرأي محمد سمير فيقول : ” مفيش مياة فالطوابق من 3ايام فين رجعت” .
أما وائل خليفة فيقول: ” كذب المياه قاطعه بقالها ٣ ايام” .
ويقول صلاح عبد الله: “لا كدب الزهراء مفيش ولا مياه ولا نور “.
أما جي جي خطاب فتقول: ” فين حضرتك رجعت بشكل منتظم المياه جت 9صباحا وقطعت الساعه 2 ظهرا والنور جه الساعه4فجرا قطع من ساعه تاني” .
ويقول أسامة حسن: ” كدب رجعت وقطعت تاني من الظهر لحد دلوقتي فين النجاح دة فشل” .
ويقول رجب عبد السلام: ” وفي فيصل طوابق مقطوعة” .
وتقول نجوى إبراهيم: ” الكهرباء قاطعه لسه مساكن ساقيه مكي” .
أما شيرين السيد فتقول: “والله كدب البيه الكدب بقول رجعت فين فين منك لله ويا ريت جت وقطعت ده قاطعه خالص ثلاثة أيام متواصلة ” .
ويقول محمد سعودي: “فين المياه مفيش” فيما يقول وحيد سعد: “حضرتك فين ياريس من اللى بيحصل ده” فيما علقت إيمان حسين قائلة: “الميه لسه قاطعه كده ٣ ايام حسبنا الله ونعم الوكيل ” ويعلق ياسين علاء قائلا: ” مفيش مياه نهائي” .
وتقول هاجر عواد: ” طالبية فيصل المنشية ونبيل طه مقطوعه المياه لحد الآن “، ويقول أسامة رشاد: “المية لسه مقطوعة في الطوابق”.
أمام محمد ديب فيقول “كدب “، ويقول صلاح أحمد: ” المياه قطعت تاني من الساعه 10 صباح اليوم”، ويقول جابر أبو مصطفى: “كذب”، ويقول حمدي محمد:”كدابين احنا في محطةالمسمط الملكة لسة المية ماجتشي من الصبح”.
ويقول أحمد رمضان: “يا معالي الوزير المياه قطعه لحد الآن في نبيل طه من المطبعه فيصل واقسم بالله انا مبلغ عن المياه عندي في الأيام العاديه فيها مجاري ولا حدا من الشركه وقال فيه ايه ارجو من الله ثم حضرتك تقبل مني هذا الشكوى”، وتقول فردوس سيد:” ما فيش حاجة اشتغلت منكم لله “، ويقول خالد رمضان: “كلام دا مش صح الكهرباء قاطعة من ساعة 4لغاية دلوقتى فى منطقة عثمان محرم الطالبية”، وتقول إيمان حجازي: “والله العظيم كده احنا بقى لنا ثلاث ايام متواصلين ما في ميه والله العظيم كدب حسبي الله ونعم الوكيل فيكم يا بعضك”، وتقول نورا يوسف: “الميه مقطوعة عندنا بشبرامنت منطقة السحارة بجوار المحكمة حتى الآن والوضع بجد بقى مستحيل”.
ويقول أسامة محمد: “المايه قاطعه من قبل العصر في حسن محمد العشرين الجديد” وتقول رشا عبد الوهاب مفيش مية في أكتوبر”.
وتقول ملاك عمرو: “مفيش ميه من اول امبارح منكم لله كرهتونا في عشتنا” وتقول ندى إبراهيم: “لسه مجتش عندنا حمد ياسين الطوابق وده العادي والطبيعي أن المياة تقطع يوميا 16 ساعة من 11 صباحا حتى الفجر وطول اليوم بدون ماية بلاش اخبار مغلوطة وخدو المعلومة الصحيحة من المواطنين نفسهم” فيما تقول هناء محمد: ” كذب غش فشل زريع منكم لله ولا نقطه ميه عندن من يوم الخميس” ويقول تامر محمد: ” يااستاذ النور والمياه قاطع من الساعه ٤” فيما يقول محمد مصطفى: ” مع احترامي وتقديري حتى الآن لم تصل بعد شر ضياء الهرم حى طالبية”.
ويقول تامر محمد: “القصبجى افتح شويه الكهرباء ياباشا الأطفال بتصرخ ” ويقول حسام محمود علي: “كدب في كدب ماحصلش كلام ليس له اساس من الصحه ماتمش حل المشكله و النور قاطع و حاجه اخر قرف”.
بينما تقول صاحبة حساب بناتي حياتي: ” كدابين الكهربا قاطعه لحد دلوقت الساعه ٨ وربع مساء الاثنين بالمنيب بالجيزه” وتقول لطيفة الفخراني: “العمرانية الغربية فيها شوارع كتير لسة لامية ولا كهربا”
ويقول عادل محمد: “برضوا بيقطع تانى”، بينما تقول سهير رؤوف محمد: ” كامل مين احنا عنا ش كفر طهرمس ماجت لسه قاطعه عاوزين حد يرد علينا” وتقول صاحبة حساب أم أدهم: ” مفيش الكلام ده كذب المياه بقالها ثلاث ايام قاطعه في الطوابق انقطاع مستمر حسبنا الله ونعم الوكيل”.
وتقول هناء سمير: ” فين الرجوع الكامل ده مناطق اه ومناطق لا ولما رجعت فضلت ما بين نص ساعه لساعتين والقليل إللي عنده مستمر ونسبه كبيره معندهومش لحد دلوقتي هو انتوا بتحنوا علينا بالتنقيط ولا إحنا بنشحت منكم مثلا ده حق المواطن في خدمات هو بيدفع تمنها وبشكل مبالغ كفايه ارف بقي وكدب محافظة الجيزة بلا بنيه تحتيه تتحمل كم السكان الأصليين بالإضافة الي اللاجئين علي الوافدين وضغط الاستهلاك لا يتناسب مع كم السكان والاستهلاك إللي في زيادة ” .
أما فاطمة إمام فتقول : “انتو كدابين ما النور قاطع اهو بطلوا هبد بقه”.
أما حسان عبد الرارزق فيقول: “لو عندكم كرامة استقيلوا واتركوا المسئولية لأصحاب الضمير الحي!! الكهرباء تقطع أكتر من خمس مرات في اليوم بمنطقة السيسي منذ أكثر من شهرين بالهرم وبالتالي مفيش مياه يا عديمي المسئولية!!! “، ويقول محمد الشريف: “اتقعت تانى المياه”.
وتقول هبة مصطفى : ” هي فين العوده دي حرام عليكو اللي انتو بتعملوا ده ” ويقول خالد محمد: ” الكهرباء قاطعه وترجع ساعتين وتقطع فى سيدى عمار هل كل ده نتيجه لحام الكابلات اللى شفناها مع وزير الكركبه ومحافظ الديزة” ويقول أحمد نادر: “طب بالنسبة لمنطقه الفردوس بعد المينا محطة المدرسه الكهرباء لسه قاطعه و رقم ١٢١ لم يتم الرد علينا نعمل ايه منيل شيحة الكابل مقطوع عند قاعة ريحانا والشركة بتقول لما نبقي نخلص اللى ورانا هنبقى نيجى نشوفه ايه رائيك فى الرد ياغالى”.
وتقول صاحبة حساب زهره اللافندار: ” والله ابد رجعت وقطعت تانى” .
وتقول شيماء رخا: ” احنا من يوم الجمعه مافيش مياه لله الامر من قبل ومن بعد”.
أما محمد سعد الشامي فيقول: ” بلوكات شارع المطار الرئيسى بالمنيره الغربية محافظة الجيزة اكتر من سنه المياه بتقطع من بعد الساعة اتنين الظهر تيجى تيجى بعد منتصف الليل حرام 12ساعة فى عز الحر ادخل صفحتى الشخصية وهتلقى كمية فديوهات لى الأهالى والانقطاع “.
وتقول هند عبد العزيز شلتوت: ” الكهربا جت ساعتين وقطعت والمياه مجتش اصلا بقالها تلات ايام” .
ويقول رمضان حسن: “كهرباء ومياه مقطوعين عندنا تقسيم الجواهر عمرانيه من اول امس جات اليوم ساعتين وقطعت تاني”.
