بقالي 5 سنوات قاعد من غير شغل.. وعايش بمعاشي من الهندسة.. فنان كبير يصف حاله

كشف الفنان الكبير فاروق فلوكس، أنه متوقف عن العمل بالتمثيل منذ خمسة أعوام ويمكث في المنزل بدون عمل.

وقال في لقاء خلال برنامج ” كلمة أخيرة” الذى تقدمه الإعلامية لميس الحديدي على شاشة ON: أنا راجل قدري، وأؤمن بقدر الله، ولو لقيت دلوقتي دور مناسب ليا هعمله، موضحا أن الجيل القديم ممكن يفيد الجيل الجديد.

وأضاف: ” رغم أنى قاعد بقالي خمس سنوات في البيت بس زعلان وأنا مش غني وعايش على معاشي بتاع الهندسة ومن غيره كنت هبقى لايص وعايش بحب الناس وتقديرهم لي”

وتابع الفنان الكبير: “أنا مش بقول كده نوع من الشكوى، فالفنان الكبير حمزة الشيمي قبل وفاته قال لي إحنا بقينا خردة وتكريمي كان لجيلي كله، فأنا اشتغلت مع كبار الناس ومنهم الريحاني والمهندس والست عقيلة راتب”

وكشف أن بعض فناني الجيل الجديد يرفضون الجيل القديم ولابد من إفادة العصر القديم للحديث، قائلاً: ليه الفنان أسامة عباس ميتكرمش! ممكن مش عاوز يشتغل دلوقتي بس على الأقل يتكرم، ومفيش شغل بيجيني وأنا بكتب وألف وأترجم لكن في الفترة الأخيرة نظري لم يسعفني.

ووجه فلوكس رساله للفنان أشرف عبد الباقي، قائلاً : “أناشد الفنان أشرف عبدالباقى يعمل مسرحية كتبتها اسمها “عيد ميلاد فؤاد” عن الفنان الراحل فؤاد المهندس”