السيسي يفجر مفاجأة حول حجم استهلاك المصريين من العطور والشيكولاتة والتليفونات المحمولة
قال رئيس الجمهورية عبدالفتاح السيسي، إن الله تعالي هو الذى سيفصل بين الناس يوم القيامة، مضيفا: “مش شرط كل حاجة الناس تبقا فاهماها في قتها .. والقرار بيتاخد ليه؟.. لكن ساعات الزمن بيرد.. وقبل ده فيه رب عظيم علام حكيم هو اللي هيفصل بين الناس”.
وتابع السيسي خلال افتتاح محطة قطارات صعيد مصر في بشتيل،: “المسؤولية بتاع 106 ملايين والضيوف مسؤولية كبيرة قوي ويا رب نقدر نعدي في اليوم ده”.
واستعرض الرئيس السيسي لوحة 99 / 127 التي تضم جداول التكلفة المالية لبعض المنتجات المستوردة: الأدوية 23 مليار دولار – لوحات التوزيع مليارين دولار .
طلب الرئيس السيسي من المستثمرين ورجال الصناعة، البدء في إنتاج المنتجات التي يتم استيرادها من الخارج، معلقا: “يا أهل الصناعة يا مستثمرين يا رجال الأعمال يا اللي شغالين في البنوك والاستثمار اللي قدام منكم عبارة عن فرص عمل ليكم لأن كل منتج من ده دفعناه بالدولار علشان نجيبه لمصر.
وتساءل الرئيس متعجبا: 9 مليارات دولار تليفون محمول ومنتجات أدوية بعضها يمكن ما تقدرش تعمله لكن يا ترى كل الأدوية ماتقدرش تعملها؟..عندنا أهم حاجة الناس بتستسهل بدل ما يجيب الكلام ده ويعمله في مصر ويخش في متاهات مع أرض وتمويل ونقل تكنولوجيا من بره علشان ينتج اللي بنقول عليه ده، يقول اشتريه أسهل والدولة محاولتش تشتغل بجدية وصلابة وصرامة لما تيجي على بند 16 في الجدول عطور ومزيلات عرق وورق تواليت 440 مليون دولار.. شيكولاته 400 مليون دولار..235 مليون سيراميك وبتلوموني وتقولوا
الدولار غلي ليه؟ .
وواصل الرئيس: منقولش نقفل البلد يعني.. ورق الفويل 500 مليون دولار مابنعملوش؟ ..الجبنة 1 مليار و200 مليون دولار.. نقول للناس مش عارفين نعمل مصانع ننتج الحاجات اللى الناس عاوزاها.. الحلول معانا إحنا كمصريين كرجال أعمال.. اللى مكتوب عبارة عن فرص عمل لإنتاج المنتجات دي لمصر وتبيعه وناس بتشتغل وناتج محلي وشوية ضرايب للدولة.. السيارات 25 مليار دولار معقول مش قادرين نخلي شركات السيارات تنتج سيارات في مصر نستور بس نسبة.. إذا كنتم عاوزين تتجاوزا تحدي الدولار لازم نسبة كبيرة من هذه المنتجات يتم تصنيعها في مصر وده امر مش سهل ومدعمين الحكومة حتى تخرج هذه المنتجات في اقرب فرصة.. بقا إحنا بنجيب عطور ومش قادرين نعمل في مصر حاجات زي كده؟.
